Statsbudsjettet fra A til Å

Klikk på første bokstav i det ordet du leter etter eller søk på ordet her.


Sámegiella

Bargguhisvuohta

Geavahuvvojit guokte iešguđet mihtu bargguhisvuhtii: Bargoohccit bargodietnasa haga, ja man ollu bargguhis olbmot leat registrerejuvvon bargokantuvrraide.

Bargoohccit bargodietnasa haga mihtiduvvojit Statistihkalaš guovddášdoaimmahaga bargofápmoiskkadeamis (AKU) ja dávjá muitaluvvo leat AKU- bargguhisvuohtan. AKU, mii lea válljenmuni iskkadeapmi, jearahallá mánnosaččat álbmogis muhtin válljejuvvon oasis makkár gullevašvuohta sis lea bargomárkanii. Vai bargoohcci olbmot galget árvvoštallojuvvot leat barggu haga, de AKU gáibida ahte sis ii leat dienasbargu, ahte sii leat geahččalan gávdnat dienasbarggu njealji maŋemus vahkus, ja ahte sii sáhttet váldit dakkár barggu boahtte guovtti vahkus.

NAV mihtida man olu registrerejuvvon bargguheamit leat bargokantuvrrain. Bargguhis olmmoš ferte registreret iežas NAV:i jus galgá vuostáiváldit beaiveruđaid

AKU- bargguhisvuohta lea eanemus relevánta mihttu go buohtastahttá bargguhisvuođadásiid riikkaid gaskkas, daningo iešguđet riikka bargofápmoiskkadeamit geavahit seamma metoda viežžat dieđuid. Bargguhisvuohta lea vuollelis Norggas go eanas eará OECD - riikkain. 2007:s lei bargoveaga AKU -bargguhisvuohta 2,5 proseantta.

Gaskamearálaš bargguhisvuohta áigodagas 1997-2006 lei 3,8 proseantta. Buohtastahttima dihte lei bargguhisvuohta 2007:s 7,4 proseantta EU:s – 15:ái ja USA:s 4,6 proseantta.

Bargofápmoiskkadeami áigodatmuddejuvvon loguid vuođul (AKU), de bargoveaga bargguhisvuohta lei 2,4 proseantta 1. kvartálas 2008:s. Dát lea 0,1 proseantačuoggá vuollelis go kvartálas ovdal ja 0,2 proseantačuoggá vuollelis go seamma kvartálas diibmá. Statistihkalaš guovddášdoaimmahaga maŋemus bargguhisvuođaloguid ja makroekonomalaš einnostusaid vuođul árvvoštallojuvvo ahte bargoveaga bargguhisvuohta gaskamearálaččat boahtá leat 2,4 proseantta dán jagi. Dát lea 0,1 proseantačuoggá vuollelis go dat mii leat biddjojuvvon vuođđun 2008 Našunálabušeahtas.

Cuoŋománu loahpas dán jagi ledje 38750 registrerejuvvon olbmo áibbas barggu haga. Dát leat 8500 unnit go seamma áiggis diibmá. Submi áibbas bargguhis olbmuin ja olbmuin geat leat dábálaš bargomárkandoaibmabijuin gahččái 7900 olbmuin dán áigodagas. Registrerejuvvon bargguhisvuohta bargoveagas árvvoštallojuvvo unnut 1,5 prosentii gaskamearálaččat 2008:s.

Geahča maiddái mii čuožžu Ođastuvvon našunálabušeahtas, kápihttalis 2.2.