Statsbudsjettet fra A til Å

Klikk på første bokstav i det ordet du leter etter eller søk på ordet her.


Sámegiella

Bargomárkandoaibmabijut

Bargomárkandoaibmabijut galget unnidit guhkesáigge bargguhisvuođa ja dagahit ahte olbmot geat dál leat olggobealde bargoeallima sáhttet beassat bargui. Dábálaš bargomárkandoaibmabijut leat olbmuid váste geat NAV:s ohcet dienasbargguid ja geain leat bargonávccat/olámuttos dan bargui masa ohcet. Dasa lassin biddjojuvvojit bargomárkandoaibmabijut fidnohehttejuvvon olbmuide geat leat registrerejuvvon NAV:s. Dát leat bargoohccit geain fysalaš, psykalaš dahje sosiálalaš doaimmashehttejumi geažil lea váttisvuohta oažžut barggu.

Bargomárkan lea gáržon ollu maŋemus jagiid. Barggolašvuohta lea lassánan eanet ja bargguhisvuohta lea unnon eambbo go dat mii lea biddjojuvvon vuođđun 2008 našunálabušeahtas, vrd. dan mii čuožžu 2008 Ođastuvvon našunálabušeahtas, 2.kápihttalis.

Liikká leat ain bargoohccit geain lea váttis beassat bargoeallimii. Ráđđehus háliida joatkit nanu nákcabidjama joavkkuid ektui main lea heajumus gelbbolašvuohta bargomárkanis, nugo 2008 bušeahta áigumuš lei.

Dán jagáš ođastuvvon našunálabušeahta áigumuš lea ahte bargomárkandoaimmain galgá dássi gaskamearálaččat leat 40000 saji. Dát leat joatkka Našunálabušeahta 2008 plánejuvvon dásis ja lea sullii seamma sullásaš doaibmadássi go mii 2007:s čađahuvvui. Dan geažil go bargoohcciid lohku lea ollu unnon, de árvaluvvon doaibmabidjodássi mielddisbuktá ahte nákcabidjan nannejuvvo vai eambbogiid oažžu bargui.