Statsbudsjettet fra A til Å

Klikk på første bokstav i det ordet du leter etter eller søk på ordet her.


Sámegiella

Dearvvašvuođa ja veajuiduhttinbálvalusat

Dearvvašvuođa- ja veajuiduhttinbálvalusaid ortnega ulbmil buohccindieđihuvvon olbmuide lea oažžut buohccindieđihuvvon olbmuid jođáneappot fas ruovttoluotta bargui.

2008 stáhtabušeahtas lea juolluduvvon oktiibuot 724,4 miljovnna ruvdno dán ulbmilii, Dearvvašvuođa- ja fuolladepartemeanta bušehttii lea juolluduvvon 464 miljovnna ruvdno ja Bargo- ja čálgoetáhtta bušehttii 138 miljovnna ruvdno. Reastaruđat, oktiibuot 140,4 miljovnna ruvnno, juolluduvvojedje kap.601, poasttas 73, Doarjagat buohccindieđihuvvon olbmuid dearvvašvuođa- ja veajuiduhttibálvalusaide. Eaktun lei ahte dát ruđat galge juogaduvvot ovttasráđiid bargoeallima bealálaččaiguin dáid ruđaid geavaheami vásáhusaid vuođul2007:s lei álggahanjahki buohccindieđihuvvon olbmuid dearvvašvuođa- ja veajuiduhttinbálvalusaid doarjjaortnegiidda. 2008:s lea ortnet dađistaga viidánan. 2008 njukčamánus leat čujuhuvvon oktiibuot sullii 14200 olbmo iešguđet doarjjaortnega bálvalusaide. Dán rádjái čájehit vásáhusat ahte sáhttet čuožžilit váttisvuođat proseassa iešguđet osiin, earret eará mii gullá ovttastahttimii ja ovttasdoaibmamii daid oassálastiid gaskkas mat leat fárus.

Lea dárbu eanet dovddusin dahkat dearvvašvuođa- ja veajuiduhttibálvalusaid doarjjaortnega ja sihkkarastit buorebut čuovvoleami buohccindieđiheaddji divššodeddjiid, bargoaddiid ja bargiid gaskkas. Ráđđehus áigu danin nannet ulbmilguvllot oahpahus- ja diehtojuohkindoaimmaid oassálastiide mat leat fárus, nannet čuovvoleami doaimmain Bargoeallinguovddážiid ja Bargobearráigeahču bokte, ja nannet ovttastahttima gaskal Bargo- ja čálgoetáhta ja regionálaš dearvvašvuođadoaimmaid. Dát váikkuha láhčit dilálašvuođaid dasa ahte bálvalusat geavahuvvojit eambbo ja leat eanet olámuttos, nanne fálaldagaid bargoheiveheami ja sihkkarastá buoret rievdadusa bálvalusaid geavaheamis bargui.

Geahča Bargo- ja searvádahttindepartemeantta preassadieđáhusa buohccindieđihuvvon olbmuid buoret čuovvoleami birra.