Statsbudsjettet fra A til Å

Klikk på første bokstav i det ordet du leter etter eller søk på ordet her.


sami

EDD Boazodoallu

Boazodoallu doaimmahuvvo stuorra oasis riikkas ja máŋggalágan dilálašvuođain. Stáđis rámmaeavttut boazoealáhusas leat eaktun ásahit ealáhusas oadjebasvuođa. Dát guoská boazoguohtunorohagaide mearridit orohat- ja siiddarájáid, guohtunáiggiid ja alimus boazologu. Daid guovlluin gos dát rámmaeavttut leat mearriduvvon, lea boazodoalliin buoret gánnáheapmi go sis gos dákkár vuođđoáššit eai leat čielgasat. Finnmárkku boazoguohtunguovlluin eai leat dákkár rámmaeavttut velá ollásit mearriduvvon, ja departemeanta áigu vuoruhit dáid rámmaeavttuid mearrideami barggu. Eanandoallo- ja biebmodepartemeanta joatká bargguin heivehit boazologu guohtumiidda Finnmárkkus. Bargu čuovvoluvvo heivehemiin njuovvamii ja buriid márkandilálašvuođaide, ja departemeantta beales hui fargga ovddidemiin ođđa boazodoallolága. Márkandilálašvuođas bohccobierggu dáfus vuhtto sakka jearru ja guorus rádjosat čuovvovaš njuovvanáigodaga álggus. Máŋggalágan doaibmabijut leat čađahuvvon oalgguhan dihtii lasi njuovvama boazodoalus ja vurdojuvvo ain lassi njuovvan boahttevuođas. 2007 bušeahtas lea várrejuvvon 7,7 miljon ruvnno Boazodoalu ovdánahttinfoanddas boazodili árvoháhkanprográmmii.