Statsbudsjettet fra A til Å

Klikk på første bokstav i det ordet du leter etter eller søk på ordet her.


Sámegiella

Sámi ulbmilat- Gáldu – Álgoálbmotvuoigatvuođaid gelbbolašvuođaguovddáš

Álgoálbmotvuoigatvuođaid gelbbolašvuođaguovddáš Guovdageainnus rahppui formálalaččat 2003 čavčča. Guovddáža ulbmil lea buoridit máhtu ja ipmárdusa álgoálbmogiid vuoigatvuođaid hárrái. Álgoálbmotvuoigatvuođaid gelbbolašvuođaguovddáža dáhtu mielde evttoha Ráđđehus rievdadit guovddáža nama Gáldun - Álgoálbmotvuoigatvuođaid gelbbolašvuođaguovddáš. Nammarievdan ii mielddisbuvtte rievdadusaid guovddáža ulbmiliid dahje doaimma dáfus.

Ráđđehus evttoha lasihit doaibmajuolludusa guovddážii 350000 kruvnnuin 2008:s. Evttohuvvon juolludus šaddá dalle sullii 2,7 milj. kruvdno. Guovddážii evttohuvvo maiddái juolluduvvot ruhta Olgoriikkadepartemeantta bušeahta badjel.

Gáldu – Álgoálbmotvuoigatvuođaid gelbbolašvuođaguovddáš galgá fárret ođđa dieđavistái Guovdageainnus. Visti lea dál huksejuvvome. Ráđđehus evttoha juolludit 650000 kruvnno biergasiid ja rusttegiid oastimii daidda lanjaide dieđavisttis maid Gáldu – Álgoálbmotvuoigatvuođaid gelbbolašvuođaguovddáš galgá geavahit.

Geahča dárkilet čilgehusa St.prp.nr.1:s (2006-2007) Bargo- ja searvadahttindepartemeanta Boađussuorgi 9 Sápmelaččat ja kap. 682 Álgoálbmotvuoigatvuođaid gelbbolašvuođaguovddáš.