Statsbudsjettet fra A til Å

Klikk på første bokstav i det ordet du leter etter eller søk på ordet her.


Sámegiella

Musihkka

Ráđđehus árvala 119,6 miljovnna ruvnno lasáhusa musihkkii.

Orkeastariidda lea árvaluvvon 27,7 miljovnna ruvnno lasáhusa. Jagi 2009:s lea ráddjejuvvon 6,5 miljovnna ruvnno, mii lea 5 miljovnna ruvnno lassáneapmi, Davvinorgga Symfoniijaorkeastarii, Arctic Orchestrai, man vuođđun leat ámmátlaš musihkkabirrasat earret eará Romssa Symfoniijaorkeastar, Davvi-Norgga Riikkaoassemusihkarortnet, Bådåddjo Sinfonietta ja Suodjalusa Musihkkakorpsa. Dán ođđa orkeastara oktavuođas árvala Ráđđehus lasihit doarjaga Romssa Symfoniijaorkeastarii ovttain miljovnna ruvnnuin, Davvi-Norgga Riikkaoassemusihkarortnegii guvttiin miljovnna ruvnnuin ja Bådåddjo Sinfoniettai ges 1,5 miljovnna ruvnnuin.

Doarjja Riikkakonsearttaide árvaluvvo lassánit 17,5 miljovnna ruvnnuin, earret eará buhtadassan danin go doarjja skuvlakonsearttaide speallanruđain ii juolluduvvo 2009 ja 2010.

Ráđđehus árvala maiddai lasihit doarjaga musihkkafestiválaide ja guovddášásahusaide 8,7 miljovnna ruvnnuin. Riddu Riđđu Festivála lea dohkkehuvvon guovddášásahussan 2009 rájes.

Stuorradiggedieđáhusa rytmmalaš musihkka, ovttasdoaimma oktavuođas, leat ásahuvvon golbma šládjarasttildeaddji ortnega rytmmalaš musihka várás: doarjjaortnet lágideddjiide, doarjjaortnet musihkkáriidda ja doarjjaortnet dávviriidda. Ráđđehus árvala juolludit logi miljovnna ruvnno lassáneami dávviriid doarjjaortnegii.

Liigudeapmi musihkkaulbmiliidda Norgga kulturfoandda bakte, earret eará doarjjaortnegat lágideddjiide ja musihkkáriidda, lea lassánan 21,2 miljovnna ruvnnuin.

Lea maiddái ráddjejuvvon golbma miljovnna ruvdno rytmmalaš musihka gelbbolašvuođaguovddážiidda.

Lea maid árvaluvvon oktasaš lassáneapmi 22 miljovnna ruvnnuin moanat bistevaš ensembležiidda ja musihkkadoaimmaide.